Jan Naarding is in 1903 in Slien geboren en in 1963 oet de tied kommen. In Slien stiet veur de kerk een standbeeld van hum.

De Hesseler Toren

Slien har een toren

Hoog boven de bommen.

Daor is in ’t Zudenveld

Ofguunst van kommen.

Wát wollen die Bonnen Sliener?

De baos zu’k zien

En dat met wat balken,

En ’n paar voor stien?

De heer van de Klink

En de Hesseler boer

Met de Giezer naobers,

Wuur dat te stoer.

En de hagelspraok

Van het karspelvolk

Was van alle boeren.

Pestoor de tolk

Doe die zee, “Liekoet”,

As ’n priester past:

“Wat Slien kun bouwen

Kunden zie ok; vast!

Stien bakken, har Hesseln

Niet meer klei as Slien?

En as men toch gangs was,

Mus men niet zien

Op ’n paar doezend extra.

De klink dee al ’t holt

Dan zul men ies zien,

Of Slien bleef zo bold.”

Daor gung ’t op een bakken

Dag in dag oet.

Maor wat vuul dat heur tegen,

Waj hebben moet.

Doch de toren rees.

En eer het jaor was daon,

Kunden ij van verren de kop

Van de toren al zien staon.

Dat dee ze in Slien

Jao geweldig nei.

Die dus op ’n dag

Der hiel dicht hen bij.

Nee het was gien verbeelding,

Dat zagen zie te hoop.

De Hesseler bouwers,

Hadden ’t nuver an de loop.

Dat mug zo niet deurgaon,

Waor bleef dan heur eer?

Zo’n toren as zie hadden,

Zul gieniene meer.

En op ’n nacht

Zint zie hen Hesseln gaon.

’t Was boezig weer,

En een duustere maon.

Met touwen en takels,

Zul ‘d Hesseler bouw

Weerdeel an de grond.

Mar men kwam an de houw,

Met ’t jonkvolk oet ’t karspel.

Die, lang niet mak,

Sprungen heur in ’t duustern,

Onverwachts op de nak.

Daor is ’t op een trekken

en triezeln an gaon.

De hesseler toren

Is blieven staon.

Mar de Sliener sniggels,

Hebt zo gloepens hard scheurd.

En toen is met de toren,

Het ongeluk gebeurd.

Zó hard hebt zie trökken,

Elk op ien zied….

De toren ruuk de kerk

En dié de toren kwiet

Non staot zie veur iewig

Een paar tree van mekaar.

Elk die dat zöt

Vindt het gek en raar.

Het is de schuld van de Sliener,

Jao, die zint lang niet min.

Die hebt nóg de hoogste toren…..

Zie holdt heur zin!

 

Jan Naarding

 

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.