De hunebedden van Havelte zint um verscheiden redens bezunder te numen. Zie hebt een aparte rol speuld tiedens de Twiede Wereldoorlog. In WOII veraanderde het gebied, het dörp verhoesde um plaots te maken veur een groot vliegveld van de Duutse bezetter: hangars, vliegstrips en rolbanen kwamen der veur in de plaots. En dan is der nog het volksverhaol over golden spinnenwielen en spinwieffies… Non trekt het prachtige gebied Holtingerveld doezenden bezukers! Meer weten: http://www.holtingerveld.nl/.

D53

D53, het een na grootste hunebed van Nederland.

Het op ien nao grootste hunebed van Nederland D53, is in 1945 oet mekaar haald. De stienen zint toen in een diep gat begraven (zes meter diep) vlakbij de stee waor het hunebed stun. De reden daorveur was dat de Duutsers der een vliegveld anlegd hebt. Het vliegveld is later kepot bombardeerd. De restanten zint nog aal in ’t gebied te zien. Nao WOII, in 1947, wuurden de stienen opgraven, waornao het hunebed in 1949 weer in mekaar zet is. In 1991 is het nog weer opnei restaureerd.
Het hunebed bestiet oet 21 ziedstienen en 9 dekstienen met een ingangspartij met een paar poortziedstienen en een stienkraans (minder dan de helft van de stienkraansstienen is nog overbleven). De lengte van het hunebed is 18,9 meter en de bredte 4,4 meter.
Het wordt al in 1732 nuumd in de reisverslagen van Andries Schoenmaker. Van Giffen underzöcht de grafkelder in 1918 en voerde ok restauraties oet. De vondsten zulden oet honderden potten van het type trechterbekeraardewark bestaon. Bezunder is dat an de westkaant van het hunebed in plaots van ién sluutsteen, drie sluutstienen in de constructie gebroekt zint.

D54

D54, het aandere hunebed van het stel D53/D54.

D54, ok wal hunebed Havelte-Oost nuumd, wuur overdekt met zaand tiedens de Twiede Wereldoorlog. Der is nooit wetenschappelijk underzuuk bij dit hunebed oetvoerd. Der zint wal restauraties west, nl. in 1955, 1966 en 1995. Het hunebed bestiet oet 14 ziedstienen en 7 dekstienen en hef oorspronkelijk waorschienlijk twie paar poortziedstienen had. De lengte van het hunebed is 12,7 meter en de bredte 3,3 meter.
Schiere informatieve film over het stel D53 en D54: https://www.youtube.com/watch?v=pCeGt4t0qGw&feature=youtu.be

Een volksverhaol

Over de plekken van sommige hunebedden zint der prachtige volksverhalen. Zo ok over die bij de hunebedden van Havelte, die vrogger ook wal de hunebedden van Wapserveen nuumd wuurden.
De spinwieffies van Wapserveen. Het verhaal giet as volgt:
“Aolde vrouwgies zit met golden spinnewielen te spinnen in de buurt van de hunebedden van Wapserveen. elkenien wet dat het slim gevaorlijk is um ze te offronteren (beledigen). Een boerenknecht döt het toch. Hie dèenkt: “As ik ze plaog dan moe’k rap op de rekken kunnen”. Hij beslöt op ‘t peerd hen de vrouwgies te gaon en op de plaats ankommen zeg e: “Aold wieffie Platvoet. Kom mar hen boeten. As het plaogen zeer döt”.
De vrouwgies wordt hellig. De boerenknecht red gauw vort. De vrouwgies zit hum achternao en smiet grune botten naor hum. Gelukkig is e op tied weerum bij de stal, mar ien gruun bot raakt zien peerd en daordeur is die verlamd. De boerenknecht was niet raakt, en aan de dood ontsnapt” (lössies baseerd op DE BLECOURT 2010, pp. 145-146, WOLF 1845, pp. 581-582).

Net als veul volksverhalen lek het ok hier te gaon um de bekende witte wieven.

Literatuur

DE BLECOURT, W., ET.AL., 2010. Verhalen van stad en streek. Oetgeverij Bert Bakker.
SINNINGHE, J.R.W., 1944. Drentsch Sagenboek. Iwema.
SINNINGHE, J.R.W., 1949. Oude volksvertellingen.
WOLF, J.W., 1845. Deutsche Märchen und Sagen. F.A. Brockhaus, Leipzig.
www.hunebeddeninfo.nu

Deur Stieneke Lankhorst & Nadine Lemmers

Vertaoling Willy Weerman

Vorig artikelHunebed D27 by night – een foto-essay
Volgend artikelD24 bij Bronneger vastgelegd door Arie Goedhart

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.