De hunebedden zint bouwd deur de luu van de Trechterbekercultuur (3400 – 2850 veur Chr.), het waren jagers-verzamelaars-boeren. Dizze boeren in Noord-Nederland waren veur het grootste diel ofhankelijk van de jacht en het verzameln.
De Trechterbekercultuur
De naam Trechterbekercultuur is trouwens bedacht deur archeologen, die daorveur een karakteristieke potvörm keuzen die over het hiele gebied veurkwam, een beker met een trechtervormige hals. Hoe dizze vrogge boeren zuchzölf nuumden, weet wij niet (en zuw ok nooit weten): oet de prehistorie ken wij gien geschreven bronnen (boeken, brieven, etc.). De kaans dat ze zuchzölf naor een potvörm nuumd hebt, is niet slim groot. Mar ja, archeologen moet het non ienmaal doen met spullen en vandaor de naam.
Waor leefden de trechterbekerboeren?
De Trechterbekercultuur was over een veul groter gebied verspreid, dat tot wied in Scandinavië en Polen reikte. Daorbinnen wordt, op grond van de materiële cultuur, verschillende grote groepen underscheiden. De Noord-Nederlandse boeren muuken diel oet van de Westgroep.
Bronnen
MALLORY, J.P., 1997. Encyclopedia of Indo-European Culture. Fitzroy Dearborn.
![Kaart met Valtherschans. Cornelis Pijnacker [Public domain]](https://www.hunebednieuwscafe.nl/wp-content/uploads/2019/01/Drenthe_door_Cornelis_Pijnacker-gehele-kaart-218x150.jpg "Valtherschans, Drents")
