D34, photo by Hans Meijer

D34 leg an het einde van het 2e zaandpad 400 m. links van de weg Vaalth – Oring. Der stiet een wegwiezer. Een incompleet hunebed en het zöt der verwaorloosd oet. Ooit was het een middelgroot hunebed met 5 dekstienen. Daorvan zint der non nog 3 over waorvan der nog ién op de poten stiet, de aander beide ligt schots en schief in het graf. De 10 zied- en 2 sluutstienen komt amper boven het meiveld oet. Der zint nog 2 poortziedstienen. De voet van de oorspronkelijke heuvel leg as een ring um het hunebed.

An de aander kaant van de weg leg de grootste grafheuvel in Drenthe: het Eppiesbargie. Daorin begruven de Drèentse boeren vanof ca 2850 v.C heur dooien, toen hunebedden zachiesan minder gebroekt wuurden.

D34 foto Davado

Locatie D34

D34, kaort Hans Meijer

Bezuuk Professor van Giffen in 1918

Dit hunebed vörmde een paar met het verdwenen hunebed D33; zie lagen amper 150 m. van mekaor. Het bleef beter bewaard, maar toch “sterk gestoord” volgens Van Giffen. Van de oorspronkelijke 5 dekstienen ontbreekt de nummers 1 en 3. De 12 sluut- en ziedstienen zint der nog, al ligt der een paar onzichtbaar under het zaand. Hie ontdekte 1 poortstien. De voet van de dekheuvel is nog herkenbaar. D34 is eigendom van de Provincie.

(Bron: Atlas bij “De Hunebedden in Nederland”, dr.A.E.van Giffen, 1925)

D34, Bron: Atlas bij “De Hunebedden in Nederland”, dr.A.E.van Giffen, 1925

Meer informatie over dizze en aander hunebedden in Drenthe zie www.hunebedden.nl en www.hunebeddeninfo.nl

Tekst Hans Meijer

Fotografie Hans Meijer en Davado

Vertaoling Willy Weerman

D34 Foto Davado

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.