D41 is niet groot, mar nog prima intact: 4 dekstienen op 8 zied- en 2 sluutstienen. Der zint gien poort- of kransstienen. Het stienen monument leg op een gres/heideveldtie stief an de weg Emmen – Odoorn tegenover de woonwiek Emmermeer. Het bronzen naamplaatie is gruun oetslagen. (dit bord is op het ogenblik veur underhold bij Staatsbosbeheer) Het rooie bord op het paoltje, dat bij de mieste hunebedden anbracht is, waorschouwt de luu der veur dat het gevaorlijk is um op de stienen te klimmen en dat de risico’s veur jezölf zint. Het liefst zul men het verbieden willen, maar dat is onbegunnen wark.
Het hunebed wuur in 1809 ontdekt en praktisch intact under zien dekheuvel aantröffen. Het graf wuur volledig opgraven en veur die tied opmarkelijk goed documenteerd zoas oet de tiekening hiernaost blek.
Dudelijk is te zien hoe de gaten tussen de dekstienen met vlinten en tussen de draagstienen met ‘dreug metselwark’ opvuld wuurden. Geef ok acht op de plaveide vloer en de menier waorop het graf volledig met stopstienen inpakt wuur veurdat het zaand der over gung.
Van Giffen dacht eerst dat D41 een dichte stienkist zunder toegang was. Later ontdekte’ de ingang op een ongebroekelijke stee: tussen de 1e en 2e zudelijke ziedstien.
Locatie d41
Bezuuk Professor van Giffen in 1918
“Het hunebed bevindt zich in een uitnemenden, en met de oorspronkelijken vergelijkbaren, staat” aldus Van Giffen. Het fraaie stiengraf was tot 1809 nooit ontdekt. Zodoende. Van Giffen nuumt het underzuuk in 1809 deur ontdekker Petrus Hofstede tussen neus en lippen deur. Hie vund gien ingangspartij maar vermoedt dat de eerste 2 zudelijke dekstienen ok poortstienen west zint. Pas in 1960 wuur dat vermoeden bevestigd toen e op die stee een drempelstien vund. Hij hef toen ok naor grondsporen van poortstienen zöcht, maar niet vunden. De Previncie kocht het monument in 1869 van de Boermarke van Emmen en Wesnes (Westenesch) op.
(Bron: Atlas bij “De Hunebedden in Nederland”, dr.A.E.van Giffen, 1925 )
Meer informatie over dizze en aander hunebedden in Drenthe zie www.hunebedden.nl en www.hunebeddeninfo.nl
Tekst Hans Meijer
Fotografie Hans Meijer en Davado
Vertaoling Willly Weerman
