Volgens de nummering van Van Giffen zul dit het zudelijkste hunebed weden moeten. Mar dat is het niet. Dat is D47 in Emmen. Hie is dus niet slim consequent met de nummering omgaon. Mar goed; dit is in elk geval het hunebed met het lèeste nummer. Het leg amper 150 meter van de D53 of, an de aander kaant van de weg. Der ligt zes dekstienen op, waorvan der veer volledig op de draagstienen rust. De miest oostelijke dekstien ontbrek, net as de sluutstien der under. Wál zint alle virtien ziedstienen anwezig. Der is nog ién poortziedstien te vinden. Wieder is de fraaie ligging tegen de Havelterbarg de muite van vermelden weerd. Op de neie zitbaank kuj der in alle rust van genieten.
Locatie D54
Bezuuk Professor van Giffen in 1918 an D54
Dit middelgrote hunebed tröf Van Giffen in “nog al gestoorde toestand” an, mar zoas non blek, vuul der (in 1955) nog wal wat van te maken. In zien tied waren er nog 2 sluutstienen en ok de mieste ziedstienen lagen praktisch op stee. Daordeur kunden de oorpronkelijke richting en afmetings vaststeld worden: OZO – WZW en 12,7 bij 3,3 meter. De 6 van de oorspronkelijk 7 dekstienen zint allemaol van de draagstienen ofgleden, of verzakt. De oostelijke sluutstien is undertussen verdwenen. Het monument is riekseigendom.
(Bron: Atlas bij “De Hunebedden in Nederland”, dr.A.E.van Giffen, 1925)
Meer informatie over dizze en aandere hunebedden in Drenthe zie www.hunebedden.nl en www.hunebeddeninfo.nl
Foto impressie deur Davado
Tekst Hans Meijer
Fotografie Davado
Vertaoling Willy Weerman
