D32 Photo by Hans Meijer

D32 leg 1 km ten noorden van Oring (Odoorn) an de weg naor Börger. Het eerste (slecht begaonbare) zaandpad links. Der stiet een wegwiezer. Nao 3 minuten lopen vind ij D32 links op het wat hoger legen hunebedterrein. Het is een ‘leeg’ hunebed; de zeuven zied- en twie sluutstienen ligt half under het zaand. Nog veer van de vief dekstienen zint der.
Der stiet een Vlint met een bronzen naamplaatie an het begun van het zaandpad.

Kaort D32 door Hans Meijer

Bezuuk Professor van Giffen in 1918

“Onvolledig en in vervallen staat”, zo umschreef Van Giffen dit hunebed in 1925. Dat is dan ook goed te zien. Dat was 100 jaor véur hum trouwens ok al het geval, zoas deur hum nuumde bronnen angaven. De 4 (van de 5) dekstienen ligt op de kelderbodem en 3 (van de 10) ziedstienen ontbreekt. De 2 sluutstienen zint der en in situ, zodat de richting en lengte van de grafkelder in elk geval dudelijk zint. Ok de contouren van de dekheuvel zint nog goed te underscheiden. Het hunebed wuur in 1871 deur de Staot van een particulier kocht.

(Bron: Atlas bij “De Hunebedden in Nederland”, dr.A.E.van Giffen, 1925)

D32 (Bron: Atlas bij “De Hunebedden in Nederland”, dr.A.E.van Giffen, 1925)

Vlakbij D32 lag vrogger D33. Dit hunebed lag tot 1959 als een vervallen stienenbult bestaonde oet 9 vlinten vlak bij D34, mar wuur deur Van Giffen veur de renovatie van D49 opofferd.

D33 – Dizze bult stienen kreeg van Van Giffen de miest zwartgallige umschrieving: “Het hunebed is geheel verstoord en verkeert in een allerdroevigsten staat. De oorspronkelijke toestand is vrijwel onherkenbaar”. De oorspronkelijke richting én de umvang kun deur hum vaststeld worden. Hie telde in totaal 9 stienen, waorvan e mar 1 as dekstien anwiezen kun. Bij de rest plaotste’ vraogtiekens. Misschien hef e zu’k daorum later overhalen laoten um dit stiengraf op te offern veur de reconstructie van D49. Veur zo’n bende kuj niet best geld vraogen. Dat vunden de Markgenoten van Vaalth in 1871 ok, toen zie het aan de Provincie schunken. (Bron: Atlas bij “De Hunebedden in Nederland”, dr.A.E.van Giffen, 1925)
D32 Odoorn. Fotografie Davado
D32 Foto Davado
D32 Odoorn. Fotografie Davado

Meer informatie over dizze en aander hunebedden in Drenthe zie www.hunebedden.nl en www.hunebeddeninfo.nl

Tekst Hans Meijer

Foto’s Davado en Hans Meijer

Vertaoling Willy Weerman

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.