D36 is der iene van een hunebeddenpaar, “De Valther Twieling” op een paar meter van mekaar, an de zuud-raand van het dörp Vaalth. Het is even zuken in het dörp um de zaandweg richting hunebedden te vinden mar an het begun stiet een richtinganwiezer. Zie ligt op een royaal terrein met fraaie bomen, waorvan een paar as het ware met de hunebedden vergruid zint. Zie ligt der nogal haveloos bij: D36 hef nog veer dekstienen, maar drie daorvan zint weggleden en ién ontbrek. D37 is hielemaol rommelig; twie dekstienen ligt op de bodem van het graf en drie ontbreekt compleet.
Locatie D36
Bezuuk Professor van Giffen in 1918
Dit is het westelijke hunebed van de Valther Twieling. “In sterk geschonden staat”, schref Van Giffen. Mar de oorspronkelijke toestand was deur de 2 in situ antröffen sluutstienen, nog goed herkenbaar. Ok van de dekheuvel was nog een restant te underscheiden. Van de oorspronkelijke 5 dekstienen zint der nog 4. Dekstien 1 leg zoas te zien in situ, van nr. 2 is een stuk ofsprungen. De boorgaten op beide dielen zint nog te zien. De dekstienen 3 en 5 zint in de kelder gleden en nr. 4 ontbrek. van Giffen vund ok nog 1 poortstien. De 3 grootste bomen op de foto staot der nog aal. Het hunebed is provinciaal eigendom.
(Bron: Atlas bij “De Hunebedden in Nederland”, dr.A.E.van Giffen, 1925)
D36, Bron: Atlas bij “De Hunebedden in Nederland”, dr.A.E.van Giffen, 1925
Meer informatie over dizze en aandere hunebedden in Drenthe zie www.hunebedden.nl en www.hunebeddeninfo.nl
Tekst Hans Meijer
Fotografie Hans Meijer en Davado
