D37 is der iene van een hunebeddenpaar, “De Valther Twieling” op een paar meter van mekaar, aan de zuud-raand van het dorp Vaalth. Het is even zuken in het dörp um de zaandweg richting hunebedden te vinden mar an het begun stiet een richtinganwiezer. Zie ligt op een royaal terrein met fraaie bomen, waorvan een paar as het ware met de hunebedden vergruid zint. Zie ligt der nogal haveloos bij. D36 heeft nog veer dekstienen maar drie dervan zint weggleden en ién ontbrek. D37 is hielemaal rommelig; twie dekstienen ligt op de bodem van het graf en drie ontbreekt compleet.
Locatie D37
Bezuuk Professor van Giffen in 1918
Veur D37 geldt dezölfde omschrieving deur Van Giffen as die van de aandere helft van de twieling, D36. “Zeer geschonden” dus. D37 is net iets groter as D36. Het monument möt ooit 6 dekstienen had hebben. Van Giffen tröf allien de nummers 1 en 4 en 6 nog an en die waren in de kelder vort gleden. Der ontbrak 1 ziedstien; Mar de 2 sluutstienen lagen nog op de oorspronkelijke stee waordeur de oorpronkelijke lengte ( 11,4 m) en de richting (NO – ZW) nog vaststeld worden kun. Van een ingangspartij was niks meer te vinden en van de ovale dekheuvel was amper nog een flauw spoor herkenbaar. Vergeliek het miezerige boompie op de foto met die van non; die is beheurlijk wossen!
(Bron: Atlas bij “De Hunebedden in Nederland”, dr.A.E.van Giffen, 1925)
Meer informatie over dizze en aandere hunebedden in Drenthe zie www.hunebedden.nl en www.hunebeddeninfo.nl
Tekst Hans Meijer
Fotografie Hans Meijer en Davado
