D38, photo by Hans Meijer

D38 vörmt met D39 en D40 een trio dat vlak boven Emmen op een heideveld in het Valtherbos leg. Al zint de zandwegen vanoet Vaalth as ok vanoet Emmen veur auto’s goed beriedbaar, ij loopt kaans op een bekeuring want het bos is kuier- en fietsgebied. Nim liever het schiere asfalteerde fietspad dat langs de hunebedden löp. D38 (de miest noordelijke) stelt niet veul meer veur. Oorspronkelijk was het een middelgroot hunebed met 5 dekstienen. Der zint non nog 2 en die zint ok nog van de draagstienen ofgleden en ligt half op de bodem. De 11 zied- en sluutstienen zint zowat under het zaand verdwenen. De vörm van de oorspronkelijke dekheuvel is nog wál te herkennen.

D39, op 25 meter ofstand van D38, is umringd deur een ronde zaandwal; het restant van de oorspronkelijke dekheuvel. De 8 zied- en sluutstienen zint der allemaol nog, maar zie ligt diep in het zaand. Ién vrij platte dekstien leg op de draagstienen, Der zult vast ooit 3 west weden. Van oorsprong dus ok een klein graf.

D38 foto Davado

Locatie D38

D38, kaort Hans Meijer

Bezuuk Professor van Giffen in 1918

“Het hunebed is onvolledig en verkeert in een vervallen staat”, rapporteert Van Giffen. De oorspronkelijke toestand was nog wal herkenbaar. De 2 sluutstienen en 9 ziedstienen lagen nog vrijwel in situ en daormet was de lengte (8 m) , breedte (3 m) en de richting bekend. De 2 bewaard bleven dekstienen ligt, leunend op een draagstien, op de kelderbodem. Het restant van de dekheuvel was der nog dudelijk . In dizze toestand is tot op de dag van vandaag niet veul veraanderd. Allien de umgeving zöt der deur de begruiïng wat aans oet. Het hunebed wuur in 1871 deur ankoop van een particulier riekseigendom.

(Bron: Atlas bij “De Hunebedden in Nederland”, dr.A.E.van Giffen, 1925)

D38,Bron: Atlas bij “De Hunebedden in Nederland”, dr.A.E.van Giffen, 1925

Meer informatie over dizze en aandere hunebedden in Drenthe zie www.hunebedden.nl en www.hunebeddeninfo.nl

Tekst Hans Meijer

Fotografie Hans Meijer en Davado

D38 foto Davado
Vorig artikelHunebed D38, Valtherbos bij Emmen
Volgend artikelField Museum of Natural History met Sue en de verhalen van de indianen (VS)
Harrie Wolters is algemeen directeur van het Hunebedcentrum.

LAAT EEN REACTIE ACHTER

Vul alstublieft uw commentaar in!
Vul hier uw naam in

Deze site gebruikt Akismet om spam te verminderen. Bekijk hoe je reactie-gegevens worden verwerkt.