D43 is een z.g. Langgraf, waorvan der in Nederland maar ién is. 100 km naor het oosten bij Wildeshausen, even ten zuden van Oldenburg en in Sleeswijk Holstein in Duutslaand, ligt der nog een paar. Binnen de zowat complete stienenkrans van 52 stienen (restaureerd) ligt twie grafkelders ingebed in de 40 meter lange dekheuvel. Het noordelijke graf hef drie dekstienen op zes zied- en twie sluutstienen. Het zudelijke hef vief dekstienen had waorvan der nog mar twie over zint. Boetendes ontbrek ién van 10 draagstienen. Beide graven hebt nog wál twie poort-ziedstienen. In tegenstelling tot de globale oost – west orientatie van de aander hunebedden, is dit langgraf praktisch noord – zuud richt.
Het langgraf leg in Emmen ten westen van de weg naor Odoorn en is via een 400 m. lang zaandpad lopend bereikbaar. Der is een klein parkeerterrein an de grote weg.
Locatie D43
Bezuuk Professor van Giffen in 1918
Van Giffen underscheidt in dit prachtige langgraf drie dielen: De grote stienkrans, het noordelijke kleine hunebed en het zudelijke middelgrote hunebed. De zowat volledige stienkrans is rechthoekig met ofgeronde hoeken en telt 53 stienen met de vlakke kaanten naor boeten. De noordelijke grafkelder is met 3 dekstienen, 8 draagstienen en 2 poortstienen zowat volledig, al ligt 2 dekstienen boeten de kelder. Het zudelijke is onvolledig en “in verwaarloosden staat”. Hier ontbreekt 3 van de oorspronkelijke 5 dekstienen en 1 ziedstien. Van Giffen maakt hier gien melding van poortstienen, die der non wal zint. Het monument is vanof 1870 riekseigendom.
(Bron: Atlas bij “De Hunebedden in Nederland”, dr.A.E.van Giffen, 1925)
Meer informatie over dizze en aander hunebedden in Drenthe zie www.hunebedden.nl en www.hunebeddeninfo.nl
Tekst Hans Meijer
Fotografie Davado en Hans Meijer
Vertaoling Willy Weerman
