D46 en D47 zint beide volledig deur de stedelijke bebouwing van de wiek Angelslo insleuten. IJ moet een goeie plattegrond van Emmen hebben um ze te vinden. Mar ok hej de hulp van wiekbewoners vaak nog neudig. D46 leg an de Fokkingeslag in een openbaar plantsoen tussen de iengezinshoezen. Het hunebed is in 1960 restaureerd. De veer dekstienen die overal verspreid lagen wuurden weer op de tien draagstienen tild. Ién dekstien mist. Het hunebed hef tegenwoordig meer het karakter van een plantsoenornament as van een archeologisch monument.
Locatie D46
Bezuuk Professor van Giffen in 1918
Eertieds lag het nog in een eindeloze heidevlakte bij het gehucht Angelsloo, non is het insleuten deur de neibouwwiek met dezölfde naam. “Wel is waar sterk gestoord, doch de oorspronkelijke staat is nog gemakkelijk herkenbaar”, aldus Van Giffen. Dat is te danken aan de 2 sluut- en 5 paar ziedstienen, netties in situ. Dat levert een dudelijk grondplan van 9,5 bij 3,6 meter op. Met de dekstienen was het minder goed steld. 3 Dekstienen lagen boeten de kelder, 1 was in de kelder gleden, en ién ontbrak. Ok dit hunebed vertoonde sporen van moedwillige venieling, getuge de boorgaten in de 2e dekstien. Het Riek kocht dit hunebed in 1872 van de Markegenoten van Zuid- en Noord-Barge op.
(Bron: Atlas bij “De Hunebedden in Nederland”, dr.A.E.van Giffen, 1925)
Meer informatie over dizze en aander hunebedden in Drenthe zie www.hunebedden.nl en www.hunebeddeninfo.nl
Tekst Hans Meijer
Fotografie Davado en Hans Meijer
Vertaoling Willy Weerman
