Nim vanoet Noordslien de twiede verharde (doodlopende) weg rechts in de Zweelerstraot (Zweeloërstraat). IJ ziet dan 2 hunebedden: Eerst D51 links en daornao D50 rechts van de weg. D50 is een schier en vrij groot hunebed. De zowat complete ring van 24 grote kransstienen valt vortdaolijk op. Paartie zint zölfs groter as de draagstienen van het graf. Tot veur kört sierde een in het graf staonde boom dit monument maar dizzend was half dood en mös helaas umkapt worden. Het graf telt nog zeuven (van de acht) dekstienen, die nao een restauratie in sept. 1998 weer volledig deur de zestien zied- en twie sluutstienen understeund wordt. Ok is der nog een poortziedstien. De 3 ontbrekende zint deur prof. Van Giffen d.m.v. cementen ofdrukken in de grond (plombes) markeerd. Lange tied ontbraken veurzienings veur het publiek op het royale terrein. Mar non stiet der een picknicktaofel en een informatiebord. De bronzen naamplaat met stien is jammer genog verdwenen.

D50 Foto Hans Meijer

Locatie D50

D50, kaort Hans Meijer

Bezuuk Professor van Giffen 1918

Het hunebed is dan wal “in gehavenden staat”, mar volgens Van Giffen was de oorspronkelijke toestand nog makkelijk te herkennen. Der zint nog 7 dekstienen, allemaol in de kelder gleden, en 1 (de 5e) ontbrek. De sluut- en ziedstienen zint der nog en een koppel in situ, zodat de oorspronkelijke lengte (17 m) en breedte (4,4 m) nog vast te stellen waren. Opmarkelijk is dat e wal speciaal de fraaie platte kaanten van veul stienen angaf, maar niet van de 11 nog anwezige kransstienen; de grootsten die bij hunebedden in Drenthe te vinden zint. Mar: Der staot non mar liefst 24! Tot veur kört wus gienien waor die extra stienen vort kommen waren. Hierop deur mij opmarkzaam maakt, vun provinciaal archeoloog Van der Sanden in de archieven het antwoord: Van Giffen vun ze in 1965 under de grond en zette ze weer overèende! Het hunebed wuur in 1870 deur de Staot van de Markgenoten van Noord-Slien opkocht. Een kruusvörmige wiezer met het opschrift “Rijks-Eigendom” zörgt der veur dat daor bij de bezuker gien twiefel over bestiet. Zie stunden in Van Giffen zien tied bij alle riekshunebedden. De linker iek hef het tot 1998 volholden.

(Bron: Atlas bij “De Hunebedden in Nederland”, dr.A.E.van Giffen, 1925)

D50, Bron: Atlas bij “De Hunebedden in Nederland”, dr.A.E.van Giffen, 1925

Meer informatie over dizze en aander hunebedden in Drenthe zie www.hunebedden.nl en www.hunebeddeninfo.nl

Tekst Hans Meijer

Fotografie Davado en Hans Meijer

Vertaoling Willy Weerman

D50 Foto Davado
D50 Davado
D50 Davado
Vorig artikelDuizendknoop, eetbaar of medicijn?
Volgend artikelWollschow Steingräberfeld (Oost-Duitsland)
Harrie Wolters is algemeen directeur van het Hunebedcentrum.

LAAT EEN REACTIE ACHTER

Vul alstublieft uw commentaar in!
Vul hier uw naam in

Deze site gebruikt Akismet om spam te verminderen. Bekijk hoe je reactie-gegevens worden verwerkt.