Vergeleken met D50 leg D51 er, 100 meter terugge an de aander kaant van de weg, nogal verwaarloosd bij. Ok hier zint kennelijk keienrovers gangs west. Toch is het een vrij groot hunebed west met waorschienlijk zeuven dekstienen. Dat valt of te leiden oet de virtien ziedstienen, waorvan der ién ontbrekende met een plombe markeerd is. De veer ontbrekende dekstienen veroorzaakt een gapend gat in het midden van het graf. Der zint nog drie poortziedstienen, een plombe gef de stee van de veerde an. De in een dikke vlint monteerde bronzen naam-plaat stiet der nog. In september ’97 is an de ingang van het terrein een informatiebord plaotst.
In Noord-Slien en langs de weg hen Zweel staot wegwiezers naor de hunebedden.
Locatie D51
Bezuuk Professor van Giffen in 1918
De foto böd een troosteloze anblik van wat ooit een stiengraf was. Dat vun Van Giffen ok: “Het hunebed verkeert in zeer gehavenden staat”, mar hie vun de oorspronkelijke toestand nog wal “herkenbaar”. Deurdat de sluutstienen en een stuk of wat ziedstienen der nog praktisch in situ lagen, kun e de oorspronkelijke ofmetings ( 12,3 bij 3,5 m) inschatten. Met de overbleven dekstienen was het droevig steld: van meugelijk 3 stuks tröf e allien wat fragmenten an. Bezunder is dat in dizze bende de ingangspartij met 3 poortstienen praktisch in situ, der dudelijk nog was. In 1870 wuur het gehavende monument riekseigendom.
(Bron: Atlas bij “De Hunebedden in Nederland”, dr.A.E.van Giffen, 1925)
Meer informatie over dizze en aander hunebedden in Drenthe zie www.hunebedden.nl en www.hunebeddeninfo.nl
Tekst Hans Meijer
Fotografie Davado en Hans Meijer
Vertaoling Willy Weerman
