D52 is een middelgroot hunebed bestaonde oet zes dekstienen waorvan drie op, en 3 tussen de virtien ziedstienen ligt. Wieder zint der twie sluutstienen en ién poortstien. Van de aander poortstien is de stee markeerd met een plombe. Der ontbrek ién dekstien. Bij de inventarisatie deur Van Giffen in 1918 lag het hunebed der “in geheel vervallen staat” bij. De her en der verspreid liggende stienen waren de naam hunebed niet meer weerd. Under zien leiding is het hunebed in 1953/54 grondig restaureerd, waorbij de mieste ziedstienen opnei henzet en vastzet worden mussen. Vandaag de dag vindt archeologen dat Van Giffen hier in zien restauratiedrift deurscheuten is. Zo kun e zölf de functie van zes stienen niet meer bepalen en zölfs het oorspronkelijke aantal dekstienen wus e niet. Toch leg der non weer een praktisch compleet hunebed, al is het resultaot meer giswerk as een verantwoorde restauratie.

In november 2008 zint 3 dekstienen met blauwe varf besmeerd. De schade is kört dernao zo goed meugelijk rippereerd. Begun april 2011 is der een vuurtie in de grafkelder stookt, waordeur der een grote scheur onstaon is in ién van de draagstienen. Dizzend zal zo gauw meugelijk rippereerd worden. Deur wild gruiende begruiing vörmt het hunebedterrein aal meer een beschutte stee veur belhamels, met een bult trammelant tot gevolg. Daorum is de begruiing rond het monument in de loop van 2011 weghaald.

Het hunebed leg langs de Grönnegerweg in Diever.

Locatie D52

d52, kaort Hans Meijer

Bezuuk Professor van Giffen in 1918

Van Giffen zeg:  “Het hunebed verkeert in geheel vervallen staat, zoodat zelfs enkele hoofdbijzonderheden nauwelijks herkenbaar zijn; het geheel is dan ook zonder meer niet reconstrueerbaar”. Populair zegd: ién grote onherstelbare bende. Toch zul volgens Van Giffen het graf 100 jaor eerder nog hielemaol compleet west weden. (in 1 van de dekstienen zul zölfs een grote mèensenhaand oethouwen west weden). Hie telt in 1918 in totaal 22 stienen mar mus bij meer as de helft vraogtiekens over de aord en/of juuste stee plaotsen. Aj even opnei kiekt naor de situatie non, zoas die nao de restauratie deur dezölfde Van Giffen in 1953 tot stand kwam, dan kuj zölf oordielen of dit een verantwoorde actie west is of niet.

(Bron: Atlas bij “De Hunebedden in Nederland”, dr.A.E.van Giffen, 1925)

D52, Bron: Atlas bij “De Hunebedden in Nederland”, dr.A.E.van Giffen, 1925

Meer informatie over dizze en aander hunebedden in Drenthe zie www.hunebedden.nl en www.hunebeddeninfo.nl

Tekst Hans Meijer

Fotografie Davado en Hans Meijer

Vertaoling Willly Weerman

D52 Foto Davado

 

Vorig artikelD53 bij Havelte, Drents
Volgend artikelHunebed D51, Noord Sleen
Harrie Wolters is algemeen directeur van het Hunebedcentrum.

LAAT EEN REACTIE ACHTER

Please enter your comment!
Please enter your name here

Deze site gebruikt Akismet om spam te verminderen. Bekijk hoe je reactie-gegevens worden verwerkt.