D1 Steenbergen

Van Giffen nummerde de hunebedden van Noord naor Zuud. Het noordelijkste, dus D1, leg even ten zuden van Roden bij het gehucht dat zien naam aan het hunebed dankt: Stienbargen (Steenbergen). Het is een schier, middelgroot hunebed en het leg in een toeristisch antrekkelijke umgeving: 150 meter van de verharde weg in een kleine zandverstoeving. Het hunebed leg schuun tegen de helling van een zaandbult. Het is tamelijk compleet. Alle 12 draagstienen, alle zes dekstienen en de twie sluutstienen zint der nog. Zölfs de poort is met twie draagstienen en ién dekstien compleet.

Kaort Stienbargen met daorop intiekend het hunebed D1. Kaort Hans Meijer

Het hunebed is in 1953/54 deur Van Giffen ingriepend restaureerd. Veur die tied was het hunebed slim vervallen. Alle dekstienen waren tussen de draagstienen vallen en ién dekstien was in vief stukken breuken. Die zint met cement en stiengroes weer aan mekaar kit. Een aantal hen boeten zakte draagstienen wuurden weer rechtop zet en fixeerd, waorna de dekstienen terugplaotst zint. De poort-dekstien mös een paar maol herplaotst worden, naodat die der deur bezukers ofgooid was. In meert 1997 is het hunebed zwaor beschadigd deur braandstichting. De twiede dekstien was finaal middendeur breuken en der waren een koppel brokstukken ofknapt. De schade is zo goed meugelijk hersteld. De brokstukken wuurden weer an mekaar liemd en sinds 21 juli 1997 leg de dekstien weer op zien draagstienen. Bij het hunebed is een roeme parkeerplaots en der zint twie info-zuilties hen zet.

Professor Van Giffen op bezuuk bij D1 in 1918

Oet A.E. van Giffen, De hunebedden in Nederland, Utrecht 1925-1927, fig. D1

Wat een chaos! Maar Van Giffen telde wal 6 dekstienen, 12 ziedstienen, 2 sluutstienen, 2 poortziedstienen en 1 poortdekstien. 23 stienen in totaal. Zowat compleet dus, mar daor is dan ook alles met zegd. Alles in grote wanorde in tied dat de 3e dekstien in tweeën en de 4e zelfs in drieën spleten was. Nao een aantal ingriepende restauraties, waorbij zölfs kepotte stienen weer an mekaar kit wuurden, stiet der non weer een compleet hunebed.
Let op het verlaoten landschap van toen. Nog gien boompie te zien zowied aj kieken kunt!
(Bron: Atlas bij “De Hunebedden in Nederland”, dr.A.E.van Giffen)

Meer informatie over dizze en aandere hunebedden in Drenthe zie www.hunebedden.nl en www.hunebeddeninfo.nl

D1 Stienbargen
D1 Stienbargen

D1 op een olde ansichtkaort

Hunebed D1 Steenbergen

Fotografie Davado

Tekst Hans Meijer

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.