Home Drentse Verhaolen D11 in Boswachterij Anloo, Drents

D11 in Boswachterij Anloo, Drents

Door

20 januari 2018

1464

Dit hunebed is een beetie stoer te vinden. Het makkelijkst kuj vanoet Anloo richting Eext rien (vanof Hotel/restaurant de Koningsherberg in Anloo linksof naor Eext en Pinetum). Nao een paar kilometer, bij het bord Pinetum, ziej an je rechterkaant een kleine parkeerplaots. Hier start een kuiertocht die naost het Pinetum ok het hunebed D11 aan döt. Het hunebed leg wat verscheulen in de bos. Veer dekstienen ligt op tien zied- en twie sluutstienen. Jammer genog mist de miest westelijke, viefde dekstien. Ién poortstien is der nog. Van Giffen markeerde de stee van de twiede met een “plombe”.

Het stiengraf leg der slim rustig; hier koj allien mar fietsers, ruiters of luu die loopt tegen, maar miesttied bi’j hier allien met het hunebed.

Deur de ofgelegen stee leg dit toch wel slim interessante hunebed in de leite van de de toeristische belangstelling. Loop ook ies even wieder dit bos in, daor leg het Pinetum Ter Borgh, dat is een ca. 2,2 ha. groot diel van de Boswachterij Anloo in Drenthe, dat inricht is as naaldbomentuun. Het is een specialiseerd arboretum waor ongeveer 500 oetheemse en kweekte coniferen in staot.

Bezuuk Prof. Van Giffen in 1918

De beroemde professor Van Giffen hef het hunebed in 1918 bezöcht. Op ién van oorspronkelijke dekstienen nao, tröf Van Giffen dit hunebed compleet en “in zeer goeden staat” an. Van de oorspronkelijke dekheuvel waren der nog dudelijke resten. De previncie Drenthe kreeg het hunebed in 1871 in eigendom deur een schenking.

(Bron: Atlas bij “De Hunebedden in Nederland”, dr.A.E.van Giffen, 1925)