D5 photo by Hans Meijer

Dit hunebedtie leg tegenover het netuurgebied de Zeijer Strubben, 100 meter rechts van de weg Zeijen – Peest, mar het is van daoroet niet te zien. Het leg nl. in een koel. Het is niet stoer um je de oorspronkelijke dekheuvel veur te stellen. Allien de veer dekstienen zint goed zichtbaar. Het hunebed wuur rond 1833 ontdekt en oetgraven, mar niet hielemaol, want de acht ziedstienen en twie sluutstienen ligt nog veur het grootste diel under ‘t zaand. Mr. Lucas Oldenhuis Gratama, veuranstaond Drèents bestuurder en slim begaon met het behold van archeologische monumenten, redde het hunebed deur het in 1857 veur f. 40,- van een vlintenverkoper te kopen en an de provincie over te dragen.

D5 Foto Davado

Langs de weg Zeijen – Peest stun jaoren lang een originele “Van Giffen” haandwiezer. Een paar grote vlinten (die wieder niks met het hunebed van doen hebt) en een naambordtie markeert de ingang naor het hunebedterrein.

Kaort deur Hans Meijer

Bezuuk Professor van Giffen in 1918

Kale heide en nog ies heide, zo wied aj kieken kunt. Zo zag een groot diel van Drenthe der 80 jaor leden oet. In een koel op dizze heide, umgeven deur ‘n ronde omwalling tröf Van Giffen dit complete hunebedtie “in tamelijk goeden staat” aan: 4 dekstienen op 8 zied- en 2 sluutstienen. Het is in 1833, nao ontdekt te weden, under een tumulus u.l.v. Petrus Hofstede, landdrost van Drenthe, bloot legd. De Provincie kreeg het in 1857 in iegendom deur het van een particulier te kopen.

(Bron: Atlas bij “De Hunebedden in Nederland”, dr.A.E.van Giffen, 1925)

D5 (Bron: Atlas bij “De Hunebedden in Nederland”, dr.A.E.van Giffen, 1925) D5 Foto
Davado D5
D5 Foto Davado

Meer informatie over dizze en aandere hunebedden in Drenthe, zie www.hunebedden.nl en www.hunebeddeninfo.nl

Tekst Hans Meijer
Foto Davado en Hans Meijer

Vertaoling Willy Weerman

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.