Een wat anoniem hunebed, verscheulen in de bossen boven Anloo. Dit hunebed is niet zo makkelijk te vinden. Vanof de weg Schipbörg – Anloo tegenover het laandgoed Schipborg leg een parkeerplaots in de bos (vanoet Schipborg an de linkerkaant van de weg). Vanof dizze parkeerplaots loop ij de Strubben-Kniphorstbosch in. Nao een klein bospadtie kom ij op een soort van t-splitsing op een aander zaandpadtie. Hier gaoj naor links en dan koj al gauw het hunebed tegen an je linkerhaand. Het hunebed hef nog 4 dekstienen. Van de daarde dekstien leg een groot diel in het graf. De 8 zied- en de 2 sluutstienen zit veur het grootste diel under het zaand. Daordeur oogt het hunebed wat leeg. De twie vlinten aan de zuudkaant zint waorschienlijk de poortstienen west. Der is een wegwiezer met informatie.

Kaort met D7, vlakbij Anloo. Deur Hans Meijer

De Strubben / Kniphorstbosch is het grootste archeologische monument in Nederland.
IJ vindt hier behalve 2 hunebedden (D7 en D8) een koppel grafheuvels en prehistorische karresporen.

Bezuuk prof. Van Giffen 1918

In het begun van de 20e ieuw bezöcht de beroemde archeoloog dr. A.E.van Giffen het hunebed. Een hunebed “in tamelijk slechten staat”, meldde Van Giffen in zien rapportage. “En zoals te zien in een troosteloze heidevlakte”. Dan zöt het tegenwoordige Kniphorstbosch der hiel wat antrekkelijker oet. Van de 4 dekstienen waren der 3 ofgleden intied dat der iene in twie of drie stukken breuken was. De zied- en sluutstienen waren der nog, mar wal oet het lood slaon. De Previncie kreeg het hunebed in 1871 te geef van de particuliere bezitters oet Schipbörg.
(Bron: Atlas bij “De Hunebedden in Nederland”, dr.A.E.van Giffen, 1925)

Oet A.E. van Giffen, De hunebedden in Nederland, Utrecht 1925-1927, fig. D7

Meer informatie over dizze en aandere hunebedden in Drenthe zie www.hunebedden.nl en www.hunebeddeninfo.nl

Tekst Hans Meijer
Fotografie Davado

Vertaoling Willy Weerman

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.