D10 leg rechts van de weg Gaastern – Aolde Meul in de Gaasterse Dunen, een terrein dat beheerd wordt deur Stichting het Drentse Landschap. der is een roeme parkeerplaots. Via een wildrooster koj in het prachtige, heuvelachtige zaand- bos- en heidegebied waor het kleine hunebed in leg. Het is een vrij toegankelijk kuiergebied, mar der graast een schaopskudde en daorum zit der draod um.
D10 is een klein hunebed en is niet compleet: 7 zied- en 2 sluutstienen, waorop oorspronkelijk 4 dekstienen legen hebt. Daorvan zint der mar 2 meer over.
Locatie D10 Gaastern
Bezuuk Professor van Giffen in 1918
Het magere restant van een hunebed in een totaal verlaoten laandschap met een boerderijgie in de verte. Veul meer stelt dizze foto niet veur. En toch straalt het een soort geheimzinnige schoonheid oet. Aj de Gaasterse Dunen van non kent, dan is der niet iens zoveul veraanderd. Dèenk er wat grillige dennebomen en struken bij, en ij vuult je weer thoes…! “Sterk gestoord” vun Van Giffen het hunebed, dat e het nummer D10 gaf. Hie vun de oorspronkelijke toestand van de kelder allien mar um naor te raoden.
(Bron: Atlas bij “De Hunebedden in Nederland”, dr.A.E.van Giffen, 1925)
Meer informatie over dizze en aandere hunebedden in Drenthe zie www.hunebedden.nl en www.hunebeddeninfo.nl
Tekst Hans Meijer
Fotografie Hans Meijer en Davado
