Hunebed D13 bij Eext

Dit is een slim bezunder hunebed. Uniek under zien soortgenoten. In de eerste plaots umdat e nog (of beter: weer) veur een diel under zien zaandheuvel verbörgen leg en in de twiede plaots umdat het een z.g. trapgraf is: de ingang naor de (kleine) grafkelder bestund oet een veertredig trappie vanoet de top van de heuvel. Van bovenof zint 6 zied- en twie sluutstienen zichtbaar. Ien van de ontbrekende dekstienen wuur in het dörp weervunden en in 1976 weerum plaotst. der gaot geruchten dat een twiede dekstien in de buurt van de Eexter kerk in de grond zit.

Al in 1756 wuur ontdekt dat in de heuvel een hunebed verbörgen lag. Previnciaal ambtenaar Johannes van Lier is toen al flink an ‘t spitten west en heeft der “veele urnae en steene beitels” oet haald. Toen Van Giffen dat in 1927 nog iens dunnegies overdee, was der niet veul meer te vinden.

Bezuuk Prof. Van Giffen 1918

Van Giffen tröf op dizze “in uitmuntenden staat verkerende” grafkelder gien dekstienen meer an. Hie meldt wal dat dizzend volgens Van Lier al in 1756 vort haald zint. Ok de 4-tredige stienen trap die naor de ingang leidde, was al vort. Hie wes er wieder op dat de ziedstienen ongebroekelijk dicht op mekaar ansluut en dat de kaanten die naor de kelder wiest boetengewoon vlak zint ; “zelfs als gepolijst”. Net as D12 kreeg de Provincie dit hunebed in 1871 vergeefs van de Boermarke van Eext.
(Bron: Atlas bij “De Hunebedden in Nederland”, dr.A.E.van Giffen, 1925)

Meer informatie over dizze en aandere hunebedden in Drenthe zie www.hunebedden.nl en www.hunebeddeninfo.nl

Tekst Hans Meijer
Fotografie Davado en Hans Meijer

Vertaoling Willy Weerman

D13 op aolde ansichtkaorten