Home Drentse Verhaolen Hunebed D14 in Eext

Hunebed D14 in Eext

Geplaatst door

1220

In Eext, in de gemiente Aa en Hunze, ligt meerdere hunebedden. Ien van de mooisten en ook de grootste is D14, die bij de grotere hunebedden heurt. Het hunebed is nog redelijk compleet en hiel: 6 dekstienen rust op de draagstienen, van de twie (misschien zölfs drie) ontbrekende ligt der nog een paar brokstukken in het graf. Dizzend draagt sporen van boorgaten veur het buskruut waor ze met spleten zint. De 18 ziedstienen en 2 sluutstienen zint compleet. Bij de restauratie mussen wal wat kuunstgrepen toepast worden. Zo is de miest oostelijke dekstien lang deur een opmesseld pilaartie understeund west. Dizzend is eind 1996 deur een zgn. doken (een roestvrij staolen pen) vervangen. Wieder zint der nog drie poortziedstienen en 8 kransstienen. Het vrij roeme umringende gebied is in de ruilverkaveling oetspaard en vörmt een eiland in het cultiveerde akkerlaand. Het hunebed is vanof de verharde weg via een roeme parkeerplaots goed bereikbaar. Net as op de parkeerplaots stiet der bij het hunebed een info-zuiltie. Het naambord is rond 1998 met stien en al vort haald, maar niet verleuren gaon. Hie is veiligsteld deur de previncie.

Kaort Eext (Hans Meijer). Der ligt drie hunebedden vlak bij mekaor.

Der zint nog dudelijke sporen van de boorgaten te zien, ooit bedoeld um de stien in kleinere stukken te kriegen en ze makkelijker te kunnen transporteren veur aander doeleinden zoas wegenbouw of diekverzwaoring. Gelukkig is het grootste diel van dizze stien op zien stee bleven.

In het begun van de 20e eeuw bezöcht de beroemde archeoloog dr. A.E.van Giffen het hunebed. Alhoewal “gestoord en onvolledig” kun Van Giffen zu’k nog een goed beeld over de oorspronkelijke toestand van dit grote hunebed veur de giest halen, ok al ontbraken 2 van de oorspronkelijke 9 dekstienen en was een daarde met springstof spleten (de boorgaten zint non nog te zien). Mar alle 20 zied- en sluutstienen waren der nog en boetendes in situ (op de oorspronkelijke stee). Dat göld ook veur de 2 poortziedstienen en 8 kransstienen die der nog zint . Boetendes waren de contouren van de dekheuvel nog te underscheiden. De Provincie kreeg dit prachtige monument in 1871 gratis in eigendom .