In dizze beide miegerige stienenbulties zint amper nog hunebedden te herkennen, zo weinig is der van over. Beide ruïnes hebt nog ién dekstientie dat op de draagstienen leg. D24 möt oorspronkelijk 4 dekstienen had hebben. Der zint nog 2 van over. Van D23 kuj niet meer achterhalen hoe groot of e west is.
Einlijk zint het twie van een drieling. D25 , de grootste van de drie leg net wat meer naor het westen.
Locatie D23, Drouwen
Bezuuk Professor van Giffen in 1918
Behalve het westelijke diel was de toestand van D23 “geheel verstoord”, volgens Van Giffen. Hie telde 3 dekstienen die allemaol in de kelder gleden waren. Non zint der nog mar 2 over. De 2 sluutstienen lagen in situ (op heur oorspronkelijke stee), mar der waren nog mar 3 ziedstienen. Hie kun gien restant van een dekheuvel meer ontdekken. De Staot kocht het hunebed in 1871 van een particulier.
(Bron: Atlas bij “De Hunebedden in Nederland”, dr.A.E.van Giffen, 1925)
Meer informatie over dizze en aander hunebedden in Drenthe zie www.hunebedden.nl en www.hunebeddeninfo.nl
Tekst Hans Meijer
Fotografie Davado en Hans Meijer
