D6 Davado

Een klein hunebed, mar wal geef en alles op zien oorspronkelijke stee: drie dekstienen, zes ziedstienen en twie sluutstienen. Dit monument is zo lang men zu’k heugen kan hiel best bewaard bleven en het leg stief an de drokke weg Zeegse – Tynaarloo. Op zo’n honderd meter ofstaand raost de intercity’s Assen – Groningen v.v. veurbij. Van Giffen stelde vast dat in de directe umgeving nog 4 hunebedden staon hebben moet. Underzuuk van de grond leverde een schat aan vuurstienen bielen, pielpunten, potscharven, barnstienen krallen, enz. op.

IJ kunt der gien auto’s parkeren. Der stiet wál een holten zitbaank en een ofvalbak. Op de veurgrond stiet de steen waor het naamplaatie op zeten hef. “Verzamelaars” hebt miend dat zie dat beter gebroeken kunden.

Schoelplaat met het hunebed van Tynaarlo. Titeld: ‘De heide met hunebed bij Tinaarloo’, gebaseerd op een aquarel van Bernard Bueninck.
Dit schilderij, Het hunebed bij Tynaarloo, is in 1861 schilderd deur Willem Roelofs

Locatie hunebed D6

Hunebed D6 Tynaarlo. Kaort Hans Meijer

Bezoek Professor van Giffen in 1918

“Het hunebed verkeert in uitnemenden staat; een dek- of mantelheuvel ontbreekt echter”. Dizze kwalificatie gaf prof. dr A.E. van Giffen an dit hunebed dat e D6 deupte. En terecht. Het mag een wonder heten dat dit hunebed de tied in zo’n goeie staot deurstaon hef. Het is in 1880 deur de Staot kocht van de Markgenoten van Tynaarlo, en daormet waren alle hunebedden (op D44 nao) in handen van de Staot of de Provincie kommen. “Het is misschien daaraan te wijten dat het zo op den voorgrond is geschoven” schref Van Giffen in zien boek. Waorum e daor niet zo wies met was, zeg e der niet bij.

(Bron: Atlas bij “De Hunebedden in Nederland”, dr.A.E.van Giffen, 1925)

Hunebed D6. Bron: Atlas bij “De Hunebedden in Nederland”, dr.A.E.van Giffen, 1925

Meer informatie over dizze en aandere hunebedden in Drenthe zie www.hunebedden.nl en www.hunebeddeninfo.nl

Foto impressie door Davado

D6 op aolde ansichtkaorten

D6

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.