D9, foto Davado

D9 is een klein, incompleet hunebed dat stief an de drokke weg Zuudlaoren – Annen leg. Het hef nog wal een iegen hoekie maar is wieder volledig opslokt deur de umringende bebouwing. Daordeur is het hoekie vaak versmeerd en wuur het monument jaoren lang as fietsenstalling gebroekt. Vanof meert 2010 stiet der een fietsenrek en is der een verbodsbord veur het plaotsen van fietsen henzet.

D9 véur 2010 toen het nog gebroekt wuur as fietsenstalling. Undertussen is ‘t der veraanderd en ziew dit beeld niet meer.

Oorspronkelijk bestun het hunebed oet 4 dek- 8 zied- 3 poort- en 2 sluutstienen. Der zint non nog mar 2 dekstienen en 8 ziedstienen over, intied dat ok 1 sluutstien en de drie poortstienen ontbreekt. De plekken van de ontbrekende stienen zint in 1952 tiedens een restauratie deur Van Giffen met plombes aangeven (zie bovenste foto). Dat betiekent dat e de oorspronkelijke standplaotsen van die stienen d.m.v. verkleuringen in de grond vaststellen kund hef. Ook tröf e in het hunebed de scharven van minstens 100 potten an. Op het bronzen naambordtie stiet vermeld: Prov.Hunebed D IX, Noordlo.

d9 Annen. Foto Hans Meijer

Locatie hunebed D9

D9 Annen. Kaort deur Hans Meijer

Bezuuk Professor van Giffen in 1918

D9 lag in 1918 ok al stief an “den grooten kunstweg Annen – Zuidlaren”. Aj het smalle padtie op de foto ziet, kiek wij daor vandaagdedag wal wat aans tegen an. Het hunebed zöt der non nog net zo as toen oet, behalve dan de der ofgleden dekstien die Van Giffen der later weer opzet hef. Let ok ies op het kröt aan de aander kaant van de weg. Het zeg veul over het armoedig bestaon van de plattelandsbevolking van toen.

(Bron: Atlas bij “De Hunebedden in Nederland”, dr.A.E.van Giffen, 1925)

D9, Atlas bij “De Hunebedden in Nederland”, dr.A.E.van Giffen, 1925

Meer informatie over dizze en aander hunebedden in Drenthe zie www.hunebedden.nl en www.hunebeddeninfo.nl

Tekst Hans Meijer
Fotografie Hans Meijer en Davado

Vertaoling Willy Weerman

Impressie foto’s Davado

D9 Foto Davado
D9 Foto Davado

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.