In de 17e eeuw dachten mensen dat de hunebedden door reuzen waren gemaakt.

Bij het grootste hunebed stiet opa. Zien baord is haost net zo lang als zien jas. Willy was met opa naor het hunebed fietst. Die grote stienen vindt e gloepens mooi. Willy kek naor opa, die begunt te vertellen:

“Vrogger woonden hier reuzen in Drenthe”.
Willy holdt zien aodem in. Dit wördt een spannend verhaal.
“Dat dachten de mensen, umdat der van die dikke stienen lagen” zeg opa. “De aller zwaorste stienen gebroekten de reuzen um met te knikkern.”
Willy denkt nao. Wat moet die reuzen dan groot west weden, echt hiel groot.
Opa leunde tegen ién van de stienen van het hunebed an. En vertelde wieder:
“Veur gewone mèensen waren dizze stienen veul te zwaor. Niet te tillen. Dat mussen ja wal reuzen west weden.”
Willy drukt met al zien kracht tegen ién van die dikke stienen. Gien beweging in te kriegen.
“Ze gooiden de stienen dicht bij-, en op mekaar. Van Bunen naor Börger en van Börger naor Drouwen. Precies bij mekaar. Soms gooiden zie ok niet wied genog, daorum ligt de hunebedden in Gieten en Rolde ok boeten het dörp.”
Wat deden de reuzen nog meer opa?
“Zie dachten dat de reuzen ok rivieren muken. En dat de heuvels maakt waren van het zaand oet de klompen van de reuzen. En op sommige stienen zulden ij de haandofdrukken van de reuzen zien kunnen, zoas bij het hunebed in Emmen.”
Willy zul dat wal ies zien willen, zo’n ofdruk van een reuzenhaand. “Zul wij non dan  hen Emmen opa?”
Opa lacht: “Reuzen bestaot niet Willy. Al dachten zie vrogger van wal. De hunebedden wuurden hiel lang leden maakt deur hiel veul luu. Met mekaar maakten ze een hunebed. Veur mèensen die dood gungen. Zowat als het graf van oma.
“Allien dan veul groter”, zeg Willy enthousiast.
“Allien dan veul groter”, zeg Opa zachies. “Kom! Je mam hef lekkere broene bonen met spek klaor. Laot wij mar hen hoes gaon.”

Vertaling Willy Weerman (Drents) – Origineel verhaal Gijs Klompmaker

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.