In de 17e eeuw dachten mensen dat de hunebedden door reuzen waren gemaakt.


Bie het grootste hunebed stait opa, zien baord is bienao net zo lang as zien jaase. Willy was mit opa naor het hunebed fietst. Dei grode stainen vindt hij huil mooi. Willy kikt naor opa en dei begunt te vertellen:

“Vrouger woonden hier reuzen in Drinte”. Willy holt zien aodem in. Dit wordt ain spannend verhaol. “Jao, dat dochten de minsen, omdat er van dei dikke stainen lagen. De allerzwaorste stainen gebruukten de reuzen om mit te knikkern”.

Willy denkt nao. Wat mouten dei reuzen ja groot west wezen, echt huil groot. Opa leunt tegen ain van de stainen van het hunebed en vertelt verder: “Veur gewone minsen waren dizze stainen veuls te zwaor, nait te tillen. Dat mossen wel reuzen west wezen”. Willy drukt mit aal zien kracht tegen ain van dei dikke stainen. Gain beweging in te kriegen. “Zij gooiden dei stainen op ’n bult. Van Bunen naor Börger en van Börger naor Drouwen. Mor soms gooiden ze ook nait ver genog en daorom liggen de hunebedden wel ains boeten het dörp, zoas in Gaiten en Rolde”.

“Deden de reuzen nog meer opa?”, vruig Willy. “Jao. men docht dat reuzen ook rivieren muiken. En dat de heuvels maokt waren van het zaand uut de klompen van de reuzen. En op sommige stainen kinnen joe handofdrukken zain van dei reuzen, zoas bie het hunebed van Emmen”. Willy wol dat wel ains zain, zo’n ofdruk van ain reuzenhaand. “Zollen wie dan nou mor naor Emmen gaon opa?”

Opa lacht: “Reuzen bestaon nait Willy. Vrouger dochten ze van wel. De hunebedden binnen huil laang leden maokt deur huil veul minsen. Saomen muiken zij ain hunebed veur minsen dei dood gingen, zoiets as het graf van oma. “Allennig wel veul groter” zegt Willy enthousiast. “Jao, veul groter”, zegt opa zachies. “Kom dien mamme het lekkere broene bonen mit spekdobbeltjes klaor. Low naor huus gaon”.

Vertaling Henk Pras (Veenkoloniaal Drents) – Origineel verhaal Gijs Klompmaker

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.