Op 5 september 2019 is in natuurgebied De Maandelanden bij Börger het eerste archeologische beleefpunt in de gemiente Borger-Odoorn officiëel lös daon. Bestuurders van de previncie, de gemiente Borger-Odoorn en Stichting Het Drentse Landschap hebt het beleefpunt in de maande met schoelkinder oet Börger en Ies onthuld.

Bezundere geschiedenis

Netuurgebied De Maandelanden hef een bezundere geschiedenis, die zowat gienien kent. Tiedens de inrichting van De Maandelanden in 2012 hebt archeologen mar liefst zeuven (jacht)kaampies vunden. Dit zint plekken waor zo’n 10.000 jaor leden jagers, vissers en verzamelaars bivakkeerd hebt. Zie woonden op de hogere dielen van het stroomdal en leefden van de jacht, visvangst en het verzamelen van neuten en vruchten. De oorspronkelijke vindplaotsen zint niet opgraven, mar ligt goed bescharmd in de undergrond van het natuurgebied. Met het archeologisch beleefpunt is die eeuwenaolde geschiedenis weer zichtbaar maakt veur bezukers van het netuurgebied. De schoelkinder hebt, veurofgaond an de onthulling van het beleefpunt, op schoel een gastles van archeoloog Nadine Lemmers van het Hunebedcentrum, kregen.

Jagers-vissers-verzamelaars

Het archeologisch beleefpunt in De Maandelanden bestiet oet een beeld van cortenstaal, ontwörpen deur kunstenaar Jan van der Meij en een informatiebord  waorveur illustrator Ulco Glimmerveen de tiekening maakt hef. Teddy Bezuijen van Het Drentse Landschap vertelde de anwezige schoelkinder wat dizze stee zo bezunder maakt en onthulde daornao het informatiebord.

Beeld en informatiebord verwiest naor de rondtrekkende jagers-vissers-verzamelaars die ongeveer 10.000 jaar leden op dizze stee in de Hunzevallei woonden. Het archeologisch beleefpunt is ien van de speerpunten binnen de culturele alliantie tussen de gemiente en de previncie. Stichting Het Drentse landschap is eigenaar van De Maandelanden en wol der geern an metwarken.

De opening wuur opluusterd deur Mister Maarten in zien rol as jager. Hie druug under meer een gedicht veur.

Tekst Drents Landschap

Foto’s Paulien Zomer

Vertaoling Willy Weerman

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.