Eppies Bergje . Foto Jannes van Echten

Tussen Odoorn en Vaalth leg vanof Odoorn an de linkerkaant een grafheuvel in de akkers. Hie valt op umdat e midden in een akker leg, en umdat der bomen op staot. Via een betonweggie kuj der makkelijk kommen. Dit is de ienige overbleven grafheuvel van een groot grafveld dat vanof de neie stientied op dizze stee anlegd is. Het is ien van de hotspots van Hondsrug UNESCO Geopark, zie https://www.dehondsrug.nl/hotspots/eppiesbergje/

Locatie

De grafheuvel leg an de Valtherweg tussen Odoorn naor Vaalth. Het kleine betonweggie het de Bergjesweg.

De grafheuvel is in de tied van de Enkelgrafcultuur (ca. 2850-2450 v.Chr.) as lèeste rustplaots veur een belangrieke man of vrouw anlegd.

Veul eeuwen later, in de midden-bronstied (ca. 1800-1100 v.Chr.) wuur een twiede graf in de heuvel anlegd. Bij die gelegenheid wuur de heuvel ophoogd en ‘wapend’ met een pakket vlinten. In dezölfde periode is een daarde persoon in de top van de heuvel begraven. De naobestaonden hebt toen een greppel um de grafheuvel graven.

Eppiesbargie vanof de Valtherweg bekeken. IJ kunt de auto langs het betonweggie zetten.

De heuvel lag toen al niet meer allien. Derumhen kwamen in de loop van de bronstied eerst een stuk of wat grote grafheuvels, en later een groot urnveld. Daor wuurden de cremeerde resten van de bewoners van dizze streek in urns begraven under lege heuvelties. Dit grafveld was underdiel van een snoer van graven (hunebedden, grafheuvels, urnvelden) tussen Emmen en Odoorn. Zie geeft an waor in de prehistorie een route over de Hondsrug luup.

Het Eppiesbargie is in 1937 deur de beroemde Grönningse archeoloog A.E. van Giffen underzöcht.

Opgraving Eppiesbergje door A.E. van Giffen. Foto Geheugen van Drenthe

De naam Eppiesbergje (vrogger, en in het Drèents nog aal, Eppies Bargie) komp van een Egbert Vos die zich op de heuvel ophangen hebben zul.

Impressie van de begrafenis. Foto van infopaneel bij Eppies Bergje

Aj weerum riedt naor de Valtherweg dan kuj de weg oversteken. Daor leg hunebed  D34. Veur meer informatie over dit hunebed zie https://www.hunebednieuwscafe.nl/2017/12/d34-valtherbos-2/

D34, foto Hans Meijer

 

Tekst Harrie Wolters

Vertaoling Willy Weerman

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.