Het Slienerzaand, tussen Schonoord en Noord-Slien, is ien van die gebieden in het Hondsruggebied in Drenthe waor aj mangs het idee hebt daj deur een openluchtmuseum kuiert. Niet veur niks is het oetroepen tot een hotspot in het Hondsrug UNESCO Geopark. Tiedens een wandeling deur de bos koj aal weer wat interessants oet de aoldheid tegen. Eigenaar Staatsbosbeheer hef verschillende routes in het gebied oetzet. Een schiere wandeling waor aj de miest interessante plekken tegenkomt is de oranje route van 4,7 km.

Parkeerplaots: langs de weg Schonoord-Noord Slien even veurbij Zalen- en horecacentrum “de Markies van Karabas” (Links vanoet Schonoord) ziej rechts een bord Parkeerplaats Kibbelveen (boswachterij Slienerzaand). Hetzölfde bord ziej vanoet Noord Slien even veurbij recreatieplas “De Kibbelkoele” en nét veurbij de ofslag Kibbelveen ok, de parkeerplaots is dan links.

De wandelroute is te vinden op de site van Staatsbosbeheer. https://www.staatsbosbeheer.nl/routes/sleenerzand/wandelroute-natuurpad-sleenerzand

 

Slienerzaand tussen Schonloo en Noord-Slien. Kaart : Google Maps

Hunebed D49, de Papeloze Kerk

Het Slienerzaand is beroemd vanwege een bezunder hunebed. Vlakbij bij dit hunebed ziej  een grote stien met daorop een plaquette met de ofbeelding van Professor van Giffen. Hie hef der veur zörgd dat de hunebedden in Drenthe restaureerd zint, dat de terreinties derumhen ankocht en inpland zint. Hie heft der ok veur zörgd dat het hunebed daj veur je ziet, de Papeloze Kerk, restaureerd is. Hie hef daorveur wál een aander hunebed (D33) opofferd, umdat e de stienen neudig har. Het hunebed is veur de helft restaureerd zodaj een beeld kriegt hoe het er 5.400 jaor leden oetzien hebben möt. Meer informatie over D49, de Papeloze Kerk, zie https://www.hunebednieuwscafe.nl/2017/11/d49-papeloze-kerk/

De plaquette met daarop de afbeelding van Professor van Giffen
Het half gerestaureerde hunebed, D49.
Ingangspartij van het hunebed

Hoofdman van het Slienerzaand

Tiedens de wandeling koj ok een grafheuvel met een paolenkraans tegen. Dizze grafheuvel stamt ongeveer oet 1400 v.Chr. Der zint bezundere vondsten daon in dizze grafheuvel, waorunder golden oorringen, een bronzen biel en bronzen pijlpunten. Daormet is het ien van de ‘riekste’ grafheuvels van Drenthe. Vanwege dizze vondsten wordt der zegd dat dizze man een unieke positie had hebben möt. Daorum wordt ook wal over de ‘hoofdman van het Slienerzaand’ proot. In latere tieden, vanof de Middeleeuwen, is dizze grafheuvel ok broekt as galgenbarg. Hie stiet non nog altied bekend as de galgenbarg.

De vindplaots van de hoofdman van het Slienerzaand. Later broekt as galgenbarg.
Vrogger hadden veul grafheuvels een kraans van paolen. Die zint later deur verrötting weer verdwenen. In dit geval zint de paolen der weer hen zet zodaj een beeld kriegt van hoe het der ooit oetzag.

Doezenden jaoren lang bewoning en rituelen

Het Slienerzaand is doezenden jaoren broekt deur mèensen. Het hunebed is in de stientied maakt, de grafheuvels zint oet de bronstied en iezertied en een eindtie wiederop ligt akkercomplexen oet de iezertied, zogenaamde celtic fields. Die zint van ongeveer 800 v. Chr. De wallegies die toendertied rondum de akkers anlegd zint, zint restaureerd en non weer goed zichtbaar in het laandschap. De akkerties waren ongeveer 35 bij 35 meter. De boerderijen moet hier ok worens legen hebben. Met aander woorden, ij loopt hier einlijk deur een prehistorisch darpie hen. Ok de aolde hoofdroute over de Rolderrug van Slien richting het noorden luup dwars deur dit gebied hen.

Een reconstructie van een akkercomplex oet de iezertied, zogenaamde celtic fields

 

Een celtic field in het Slienerzaand. De wallegies rondum de veerkante akkers zint nog goed zichtbaar.
Ook hier zint de wallegies nog goed zichtbaar.

Veul grafheuvels

Tiedens de wandeling deur de bos koj in een open terrein terecht. De bos is hier kapt umdat dit een bezundere stee is. Hier ligt mar liefst 45 grafheuvels. Het zint zogenaamde braandheuvels, daorbij wuur over de resten van de braandstapel en de verbraande botten van de dooie een heuvel gooid. Dizze menier van met de dooien umgaon begunde ongeveer vanof 500 v.Chr. Veur dit gebroek wuur de as miestal in urns daon en begraven. Daorum wordt annummen dat dit grafveld de opvolger is van het urnveld an de overkaant van het fietspad. Beide begraafplaotsen zint waorschienlijk eeuwen lang deur dezölfde darpsgemienschap broekt. Waorschienlijk lag het darp hier ook vlakbij (midden in de akkercomplexen, de celtic fields). Wiederop leg nog een grafveld met 17 grafheuvels, ok in dit geval giet het um braandheuvels oet de iezertied.

Schaop begraast het terrein met de grafheuvels waordeur het een open terrein blef.

Het Slienerzaand is ien van de hotspots van Hondsrug UNESCO Geopark. Veur meer informatie zie https://www.dehondsrug.nl/hotspots/sleenerzand/

Tekst Harrie Wolters

Vertaoling Willy Weerman

1 REACTIE

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.