Bij Örvelte, Drenthe, leg een reconstrueerd iezertied-arf met een iezertiedboerderij van het type Hieken (Hijken). De reconstructie is deur de bekende heer de Haas bouwd. Bij een bezuuk an het iezertied-arf is een bezuuk aan het gloepens mooie museumdarp Örvelte een mooie anvulling. In de zommermaonden gaoj in Örvelte even weerum in de tied naor het begun van de 20ste eeuw met ambachtslu, mar ok in de wintermaonden zint in de umgeving prachtige boerderijen/gebouwen, mooie eeuwenaolde bomen en een schaopskudde te zien.

Iezertied-arf bij Örvelte aan de raand van de bos en oetzicht op greslaand en het museumdarp Örvelte..

Rie richting Örvelte en slao de Darpsstraot in, slao dan of naor de Brinkstukken, daornao splitst de weg zu’k nao ongeveer 100 meter. Slao linksof de Kromboom in. Nao ongeveer 300 meter parkeer ij je auto langs de weg. Loop dan nao ongeveer 300 meter linksof het greslaand in. Nao 300 meter ziej het iezertied-arf liggen.

De iezertiedboerderij met aan de rechterkaant de spieker..

Het iezertied-arf

Het bestiet oet een boerderij, een spieker en een liemkoel. In 1978 hef het Grönneger Instituut veur Archeologie, het vroggere Biologisch Archeologisch Instituut, de iezertiedboerderij reconstrueerd. De reconstructie is baseerd op een hoesplattegrond oet de vro-Romeinse Tied, zo’n 200 v.Chr., vunden bij Hieken. De boerderij is een drieschepig woonstalhoes. De materialen veur de bouw van de boerderij komt oet de umgeving. De liem komp oet een liemkoel een kleine 100 meter wiederop. De iezertiedboerderij is bouwd um meer inzicht in de materialen, gerak  (gereedschappen) en constructie te kriegen, maar ook in het leven in de iezertied. In 2003 is de iezertiedboerderij renoveerd deur Staatsbosbeheer en hiel veul vrijwilligers.

Het iezertied-arf as underdiel van een wandelexcursie
De prehistorische schörstien, ok wal rookgat nuumd.
Prachtige spieker met vlechtwark, ansmeerd met liem, en met rieten daok..
Ien van de twie ingangen an de lange kaanten van de boerderij.
Oetzicht vanoet de boerderij hen boeten.

Locatie

IJzertijdboerderij, Orvelte
Kromboom
9441 TK Orvelte
https://www.staatsbosbeheer.nl/Natuurgebieden/orvelte

Tekst door Nadine Lemmers en foto’s door Jacqueline Speelman

LAAT EEN REACTIE ACHTER

Please enter your comment!
Please enter your name here

Deze website gebruikt Akismet om spam te verminderen. Bekijk hoe je reactie-gegevens worden verwerkt.